Pesa: s'associazioni de is istudiantis "chi castiat a s'Isola"

(IlMinuto) – Casteddu, 2 de su mes''e fiàrgiu - S'at a tenni custu merì sa presentazioni de Pesa 'Universidade' de Sardigna, a is istudiantis de s'Ateneu casteddaiu (21.30, saba Maria Carta de via Trentino). In is fueddus de is promotoris "Pesa est un'associazioni de istudiantis chi tenit comenti primu abbisóngiu cussu de castiai a sa Sardigna e chi dda castiat comenti protagonista". S'associazioni noa bollit favorèssiri su plurilinguismu aintru de s'Universidadi e bollit promovi sa tutela de is dirittus civilis, de sa paxi e de sa democrazia tra is culturas. In programma ddoi funt puru is rapportus culturalis cun is istudiantis de is ateras associazionis chi faint parti de s'Europa e de is stadus de su Mediterraneu.