Presonis: 100milla eurus po is 11 bibbliotecas de is presonis sadrus

(IlMinuto) – Casteddu, 1 de su mes''e fiàrgiu - Promoviri su ligimentu e favoressi s'unioni tra culturas e etnias in is presonis. Funt custus is obbiettivus de su progetu, promòviu de s'Assessorau regionali de sa "Pubblica Istruzione", "Biblioteche carcerarie della Sardegna". S'iniziativa, finanziada cun 100milla eurus, bollit afortiai is 11 bibbliotecas de is presonis de sa Sardigna, cussas de Casteddu, Igrèsias, Nùgoro, Lanusè, S'Alighera, Tàtari, Cuartuciu, Àrbus, Lodè e Isili. Bibbliotecas chi finzas a immoi teniant 50milla liburus. Su serbiziu esti stetiu incumandau a un'associazioni de impresas chi at a agiudai is mediadoris culturalis chi ddoi funt giai in is presonis.