Presonis. Caligaris (Sdr): "Is dinúnzias de is sindacaus cunfirmant is arriscus po sa seguresa"

(IlMinuto) - Casteddu, 4 de su mes''e fiàrgiu - "Is dinúnzias fattas pagu tempus fait de parti de is sindacaus de sa "Polizia penitenziaria" cunfirmant cantu est gravi sa cundizioni in calincunu presoni de sa Sardigna, po mori de su númeru tropu artu de is presoneris e de sa mancànzia de is Guardias, de is Cummosàrius e de is civilis chi traballant in presoni". Est cantu narat cun d'una nota sa presidenti de s'associazioni "Socialismo Diritti e Riforme" Maria Grazia Caligaris. Sa socialista pedit duncas a su "Dipartimento amministrazione penitenziaria" e a sa Regioni de fai calincuna cosa po su bisóngiu mannu de is presonis. "Ddoi funt - narat sa Caligaris - arriscus meda grais po sa seguresa ainturu de is presonis de sa Sardigna".