Presonis. Caligaris (Sdr), "Obèrriri allestru su repartu in s'ispidali de is Mirrionis"

(IlMinuto) – Casteddu, 15 de su mes''e fiàrgiu - "Chi ddoi est un'arrexoni plausìbili chi impedit s'arrispetu de unu diritu, bófiu de una lei, bengat nada a totus, assinuncas est diaderus assurdu ca su repartu cuncodrau cun sa busciaca de chini bogat su dinai po is pagamentas e destinau a is cittadinus presoneris meda maladius no bengat attivau". Ddu narat s'ex consillera regionali socialista Maria Grazia Caligaris, presidenti de s'associazioni "Socialismo Diritti Riforme" dimandenti ancora una borta su "aviamentu de su repartu protegiu de Is Mirrionis". "Tantetantu - precisat - in d'unu períodu comenti custu chi bidit genti meda in su centru crínicu de Buoncammino, po mori de sa presénzia de presoneris cun patologias medas grais. Su repartu destinau a is presoneris iat essi de meda agiudu. Iat a permitti de allebiai puru su traballu de is agentis de sa Pulizia penitenziaria arresparmiendi is síngulus piantonis".