"Traghetti di poesia": oi s'inaugurat sa primu diri de s'eventu cun Maria Luisa Spaziani

(IlMinuto) – Casteddu, 1 de su mes''e fiàrgiu - Custumerì cumenzat in Casteddu sa segunda "fasi" de "Traghetti di poesia", su festival in programma finzas a mérculis chi s'at a tenni in su "spazio Search" (suta-pranu de su Palazzu Civicu in su 'largo Carlo Felice'). Sa manifestazioni - aprontada de sa Provìnzia de Casteddu cun su patrociniu de su Comunu - previdit unu calendàriu meda fitu de legimentus e de atóbius in cumpangia de autoris e de testimóngius de su panorama poéticu contemporaneu. Tra is prus abeatus a su "segundu capítulu" de s'iniziativa dirigia de Guido Oldani, ddoi ant essi su siru-libanesu Fuad Rifka, Maria Luisa Spaziani, Elio Pecora e Ennio Cavalli. Sa serada de oi - chi at a cumenzai a is 17.30 - at essi oberta de is legimentus de is poetas sadrus giai ammiraus in s'edizioni de su 2009: Paola Zedda, Anna Cristina Serra, Giulio Angioni, Alberto Lecca, Roberto Belli, Lorena Carboni, Antonio Fiori e Franco Fresi. At a sighiri s'interventu de sa poetessa torinesa Maria Luisa Spaziani (classi 1924) chi at essi in Casteddu comenti autrici, ma puru comenti testimóngia de sa poesia de su Noixentus.