Univeler. Cgil, Cisl e Uil: "De sa Regioni mudesa chi tronat po is acódrius de làssida"

(IlMinuto) - Casteddu, 24 de su mes''e fiàrgiu - Is novas de una bendida de s'istabilimentu Unilever chi at a podi acadessi tra pagu tempus no podit lassai senz''e fueddu is istituzionis regionalis. Est cantu scrirint is segreterias regionalis de sa Fali Cgil, de sa Fai Cisl e de sa Uil A in d'una lítera oberta mandada in is diris passadas a su presidenti de sa Regioni Ugo Cappellacci. "Beneus a sciri - si podit liggiri in sa lítera - ca funt in cursu acódrius de làssida e nemus s'acimbellat de cumprendi e de sciri ita siat acadessendi e prusatotu ita fini at a fai s'istabilimentu de viale Marconi. Custa mudesa tronat e apensamentat is traballantis". "Si funt beras is novas de unu cominzu nou e sériu de sa produzioni - scrint is sindacaus - eus a essi meda cuntentus de fai sa parti nostra, po donai un'atera borta su traballu a is traballantis in mobilidadi".