"Unu cínema nou po s'ambienti". Tàtari cumenzat is "ecodomeniche"

(IlMinuto) - Casteddu, 25 de su mes''e fiàrgiu - Trasformai dexi chilus de arrefudus arregortus segundu is arrégulas atressu un'abbonamentu a su cínema. Est custa s'idea de "Un cinema nuovo per l'ambiente", sa manifestazioni de su comunu de Tàtari chi bollit promòviri s'arregorta fatta scioberendi is arrefudus atressu su spaniamentu de sa cultura de s'arrispetu po s'ambienti. Po su citadinu chi in is domínigus de su mes''e marzu at a fai s'arregorta de s'àliga - imbidri, paperi o cartoni - segundu is critérius de s'amministrazioni comunali, at essi arregalau un'abbonamentu po andai a gratis a cínema in ocasioni de sa rassigna abbinada, chi s'at a tenni in su Palazzu de Cittadi de Tàtari.
Sa manifestazioni at a oberri s'otu de su mes''e marzu cun su film "Terra madre" de Ermanno Olmi e at a finiri su 29 de su mesi cun "Addicted to Plastic" de Ian Connacher. Funt prevìdius puru film po is iscolas.