Uraniu "impoverito". Cao: "In Quirra importànzia pagu normali de su diabbeti"

(IlMinuto) – Casteddu, 15 de su mes''e fiàrgiu - Sa presénzia meda manna de su diabbeti in s'area de su Saltu de Quirra si cunfrontat cun arrestu de sa Sardigna (+343 po centu tra is óminis, +374% tra is féminas) iat a podi essi acapiada a s'impiegu de armas a s'uraniu "impoverito". Ddo at spiegau s'esponenti de su "Comitato Gettiamo le Basi, Mariella Cao, po sa presentada de su liburu "Il pettine senza denti" (liggi s'intervista: http://www.ilminuto.info/notizia.php?id_notizia=1439), chi s'est tenta sàbudu passau in Cuartu Sant'Alèni in sa saba Michelangelo Pira. Sa militanti antimilitarista at arremonau is istudius de sa scienziada americana Leuren Moret, chi de annus collegant s'isvilupu de su diabbeti a s'impiegu de cartatúcias a s'uraniu "impoverito". In s'atóbiu aprontau po arregordai Valery Melis - su milktari sadru mortu su 4 de su mes''e fiàrgiu de su 2004 po mori de unu linfoma de Hodgkin pigau a sa torrada de una missioni militari a foras de su stadu - ant participau puru su babbu e sa mamma de su soldau, Luigi Spano de su Comipa e sa consillera regionali de is Rossomori Claudia Zuncheddu. "In Sardigna, a ingíriu de is poligous aundi si faint is proas de guerra - at arremaciau ancora una borta sa sardista progressista - s'est berificau un'aumentu meda forti de is tumoris, de is allergias, de sa tiróide e de is strumíngius". S'esponenti de is Rossomori at propostu s'istituzioni de una commissioni permanenti e indipendenti chi controllit su stadu de saludi de s'ambienti e de sa popolazioni in totu su territoriu regionali.