Caligaris (Sdr), "Catgiu no podit abarrai in presoni"

(IlMinuto) – Casteddu, 9 de su mes''e marzu - "Francesco Catgiu no podit abarrai in su Centru crínicu de su presoni de Secondiglianu. Est evidenti su cuntrastu cun d'un'istrutura comenti cussa de su presoni. Is cundizionis de sa carena si funt aggravadas. Po sa precisioni su mali claustrofobicu est oi foras 'e controllu, est duncas oportunu su trasferimentu de su presoneri in Sardigna, in d'una istrutura sanidaria specífica diversa de su presoni". Est cantu afirmat sa presidenti de s'"Associazione Socialismo Diritti e Riforme" Maria Grazia Caligaris. "S'ómini, apurídu de sa saludi pagu bella - narat Caligaris - arrefudat po protesta is meixinas e arriscat de s'aggravai senz''e torrada. Su presoneri, chi at a fai 69 annus in su mes''e totussantus, a pustis de 26 annus passaus in presoni, depit iscontai ancora cuatr'annus, ma no est in is cundizionis de abarrai in d'una cella poita sunfrit de una claustrofobia meda maba"