Caligaris (Sdr), "Presonis in s'àcua: inùtili isperdíziu de dinai pubblicu"

(IlMinuto) – Casteddu, 3 de su mes''e marzu - "S'arrespusta a is presonis italianas e sadras chi funt prenas a cucurru no podit essi unu letu in d'unu bateu aprodau in d'una banchína abbandonada. S'ipótesi noa de is presonis in s'àcua, acozada de su Ministru Angelino Alfano e donada a Fincantieri si presentat comenti un'inùtili isperdíziu de dinai pubblicu". Ddu narat sa presidenti de s'Associazioni "Socia"lismo Diritti Riforme", Maria Grazia Caligaris.
"Si sighit a fueddai de presonis - precisat Caligaris – comenti logus aundi stichiri is personas scarescendusì ca in Italia ddoi funt una Costituzioni e una lei po s'ordinamentu penitenziariu chi tenint precisus proponimentus e normas in matéria de presonia e luizioni soziali. Ancora, aparessit assurdu promòviri su crumpimentu de istruturas noas precisendi ca po dda sa fai serbint duus annus de 90 millionis de eurus candu po arresparmiai no si pigant psicologus, assistentis sozialis, agentis de pulizia penitenziaria e povinzas diretoris".
"Totu custu - concluit s'ex consillera socialista - est senz''e giudíziu si si cunsiderat puru ca funti stetius imbestius, in Sardigna, 160 millionis de eurus po su fàbbricu de cuatru presonis nous, chi ant a depi essi acabbaus intru su 2010 e chi funt ancora in apariciamentu.