Cgil: acabbau su cungressu provinziali. Cunfirma po Marongiu in sa segreteria

(IlMinuto) – Casteddu, 5 de su mes''e marzu - S'est serrau ariseru cun sa cunfirma de Nicola Marongiu po sa segreteria su VII cungressu de sa "Camera del Lavoro" de Casteddu. "Marongiu - si podit ligiri in d'una nota - guidat su sindacau prus rapresentativu de su territoriu, cun 43.426 iscritus".
A su caminu cungressuali de sa Cgil casteddaia, cuminzau in mes''e totussantus passau, ant pigau parti, votendi in is 424 assembreas de su territoriu, 15.500 tesseraus.