"Ernesto Che Guevara: Rivoluzionario e Icona"

(IlMinuto) – Casteddu, 5 de su mes''e marzu - A cincuant'annus precisus de is scatus chi iant eternizau su "guerrillero heroico", su Cunsórziu turisticu de sa Marmidda "Sa Corona Arrùbia" afestat sa figura de Ernesto Che Guevara cun sa mostra internazionali "¡Che! Revoluciòn y mercado - Ernesto Che Guevara: Rivoluzionario e Icona". S'aparada aprodat in Sardigna a pustis de medas firmadas tra is capitalis de su mundu. Esti difatis stetia aghillia in New York, Istanbul, Londra e in s'Havana. Po ses mesis, de su 5 de su marzu a su 5 de su mes''e cabudanni, sa mostra s'at a podi abbisitai in is sabas de su Museu de su Territoriu de Biddanòa Forru. S'aparada esti stetia creada de sa curadora indipendenti Trisha Ziff. "Cust'aparada - ispiegat Ziff - no contat sa vida de su Che ma cussa de una fotografia. Scéti cussa".
Sa fotografia, fatta su 5 de su mes''e marzu 1960 de Alberto Diaz Gutierrez, candu su Che est arziau in su palcu apariciau po s'interru de 140 cubanus mortus po mori de un'iscópiu, fut fatta connosci a totu su mundu de s'editori milanesu Giangiacomo Feltrinelli. Feltrinelli dd'iat pubblicada in su 1967 e s'annu avatu ndi iat fattu sa cobertina de liburu "Diario in Bolivia"