"Io amo la scuola pubblica". Sàbudu 13 de su mes''e marzu is precarius cabant in prazza in Aristanis e in Tàtari

(IlMinuto) – Casteddu, 9 de su mes''e marzu - Su 13 de su mes''e marzu is precarius de s'iscola ant a torrai in prazza. Sàbudu a merì ant essi medas is manifestazionis in difesa de s'instruzioni pubblica in programma in totu s'Italia.
In Sardigna is cordinamentus de is precarius ant aprontau duas manifestazionis in Aristanis (16.00, prazza Roma) e in Tàtari (16.00, prazza Santa Maria).
"Cabaus impari in is principalis prazzas italianas - si podit ligiri in s'apellu - po manifestai in difesa de s'iscola pubblica". S'apellu est po is "babbus e is mammas, po is istudiantis, po is maiustus in càrriga e po is precarius, po is dirigentis de s'iscola, po is politicus, po is sindacaus e po totus cussus chi portant in su coru su futuru de s'iscola".
Is precarius de s'iscola sadra pedint prus 'e totu "aprou de una lei regionali po agiudai s'assentu de sa popolazioni in is areas prus postas mali de su territoriu e a arriscu de unu forti abbasciamentu demogràficu, cun sa promozioni de interventus po mantèniri e avalorai is iscolas in custas areas".

Ligi su documentu de su Cordinamentu precarius de s'iscola de Aristanis: http://www.ilminuto.info/notizia.php?id_notizia=1970