"Camminatura 2010": su 2 de su mes''e maju una passillada longa tra is maravíllias d'Ogiastra

(IlMinuto) – Casteddu, 21 de su mes''e arbili - Una passillada de 10 chilómitrus po iscobèrriri is arranconis prus pagu connotus de is montis de Lanusè. Est cantu oferrit sa "Camminatura", su classicu eventu de sa Pro Loco de su centru ogiastrinu arribbau, cun ocannu, a sa sesta edizioni.
S'apuntamentu est fissau po domìnigu 2 de su mes''e maju. Is participantis s'ant a agatai a is 8.00 in sa basi antincendiu de San Cosimo, de ingunis at a pigai cumenzu una "passillada guidada, e po totu su tretu - si podit ligiri in d'una nota de sa Pro Loco - is participantis ant podi pigai connoscénzia de is caraterísticas de sa frora, de su bestiàmini e de su paesagiu".
Po is amantis de sa bicicreta esti stetiu aprontau unu caminu in mountain bike.