E-Polis: 3 diris de isciòpiru contra a su'"annou" de is cuntratus a términu. Su Cdr: "Chini est s'editori?"

(IlMinuto) – Casteddu, 8 de su mes''e arbili - Oi is ligidoris no ant a agatai in edícola "IlSardegna" e is aterus giornalis de su grupu E-Polis. Is giornalistas ant difatis sceberau de fai un'isciòpiru de tres diris - cumenzendi de ariseru - po protestai contra a s'ausenzia de annou po is cuntratus a términu.
"Ausenzia de annou" chi, in is fatus, est comenti unu lissenziamentu po is dipendentis interessaus.
"Sa crónica mancànzia de genti in E-Polis - afirmat una nota de su Comitau de redazioni - est aggravada po mori de no ai circau aterus giornalistas po tupai s'ausenzia de chini at lassau s'incàrrigu".
"S'assembrea - de is redatoris - precisat su Cdr - espressat puru pensamentu po mori de una crisi economica sempiri prus longa a sa cali s'aciungit s'ausenzia de is capu mannus de s'azienda e sa pagu claresa chi ddoi est de meda tempus po mori de is dubbius ingíriu a is calis no si scit chini siat s'editori".