In Gonnoscodina passillada in is arrastas de Maria Zara: brúscia

(IlMinuto) – Casteddu, 29 de su mes''e arbili - Una caminada po is moris de is cogas, in cica de is "arrastas" lassadas in su Cincuxentus de Maria Zara.
Est custu su programma chi sa Pro Loco de Gonnoscodina oferit a is turistas e a is amantis po domínigu chi benit.
Sa passillada in mesu a su birdi - cun cumenzu a is 9.00 in sa praz''e crésia de S. Sebastiano -, s'at a fai po is caminus fattus de Maria Zara, brúscia de Gonnoscodina processada de s'Incuisizioni.
"Maria Zara - si ligit in sa senténzia ligia in su 1585 de s'icuisidori in praza Santa Caterina in Tàtari - nàscia e abbitanti in sa bidda de Gonnoscodina, fut cundennada comenti coga e comenti suspeta de essi una trapassera formali".
"Is istudius fatus de pagu - acrarat sa Pro Loco - si funt cuncentraus asuba de sa fatura comenti fenómenu culturali, cun d'unu interessu nou in matéria de faturas comenti 'espressioni de cunvinzionis, de baloris e de fantasias'".
"In is moris de is cogas - si ligit in d'una nota - ddoi funt is arrastas de s'energia ancora briosa de is ciclus de sa natura, de una natura mirífica e interessanti, arrica e prena de cosas chi bollint essi connoscias mellus e bollint puru essi tuteladas".
Sa diri previdit unu pràngiu in su sartu in Pala funtana e, in su merì, sa bisita a s'omu 'e s'orcu.