Iscola pùbblica: Ministeru annunziat unu "sagrestu" nou in Sardigna. Cobas e precarius prontus a s'isciòpiru po is scrutinus"
(IlMinuto) – Casteddu, 12 de su mes''e arbili - Nuis nieddas in s'orizonti po s'istruzioni pùbblica. In d'un'atóbiu cun is sindacaus confederalis chi s'est tentu pagu tempus fait su Ministeru de s'Istruzioni at difatis annunziau un'irminorigamentu de is traballantis de 25.558 "unidadis" (fonti: www.orizzontescuola.it) po s'annu iscolasticu 2010/2011.
Custus irminorigamentus - chi castiaus is datus de su 'Sole 24 Ore' - ant a ferri prusatotu a sa Campania, a sa Sicilia, a sa Calabria e, ancora una borta, a sa Sardigna.
S'Isola nostra at a incassai un'atera reduzioni de is traballantis de su 5,18 po centu.
Ma po is Cobas de s'Iscola "sa partida no est po nudda finia". "Teneus duus mesis de tempus - acrarat s'imbassadori nazionali Piero Bernocchi - po aprontai unu fin''e annu iscolastuscu meda trumbullau (...)".
"Depeus preparai totus impari - precisat Bernocchi - a cumenzai de is precarius, is màrtiris prus mannus de custu mocidórgiu, (...), unu generali e meda trumbullau isciòpiru de is scrutinus chi firmit unu'istrópiu nou".
In Sardigna at giai addiriu a sa cosa su "Coordinamento precari della Scuola di Oristano". Su movimentu de protesta crescit de diri in diri puru grazias a unu grupu Facebook. "Su carnovali de is manifestazionis de is happening e de sa protesta est acabbau", ant scritu is precarius in su social network.
"Immoi cumenzat sa carésima de sa protesta. Is precarius de s'iscola isciopirant in sa diri de is scrutinius!".
Custus irminorigamentus - chi castiaus is datus de su 'Sole 24 Ore' - ant a ferri prusatotu a sa Campania, a sa Sicilia, a sa Calabria e, ancora una borta, a sa Sardigna.
S'Isola nostra at a incassai un'atera reduzioni de is traballantis de su 5,18 po centu.
Ma po is Cobas de s'Iscola "sa partida no est po nudda finia". "Teneus duus mesis de tempus - acrarat s'imbassadori nazionali Piero Bernocchi - po aprontai unu fin''e annu iscolastuscu meda trumbullau (...)".
"Depeus preparai totus impari - precisat Bernocchi - a cumenzai de is precarius, is màrtiris prus mannus de custu mocidórgiu, (...), unu generali e meda trumbullau isciòpiru de is scrutinus chi firmit unu'istrópiu nou".
In Sardigna at giai addiriu a sa cosa su "Coordinamento precari della Scuola di Oristano". Su movimentu de protesta crescit de diri in diri puru grazias a unu grupu Facebook. "Su carnovali de is manifestazionis de is happening e de sa protesta est acabbau", ant scritu is precarius in su social network.
"Immoi cumenzat sa carésima de sa protesta. Is precarius de s'iscola isciopirant in sa diri de is scrutinius!".
© RIPRODUZIONE RISERVATA