"Le Ville Matte": oberrint is ennas a is domus de sa música, de s'iscritura e de is artis visivas de sa Provìnzia de Casteddu

(IlMinuto) – Casteddu, 14 de su mes''e arbili - Fai crèsciri sa creazioni de òperas noas in sa música, in s'iscritura e in is artis visivas. Favorèssiri sa cuncàmbia tra is artistas e su territoriu. Funt custus is obbietivus de su progetu "Le Ville Matte": diris de istudiu e de ricerca aghillias in d'una "reza de domus de artistas" in Teulada, Biddesorris e Arròli.
"Is domus - si ligit in d'una nota - bollint reuniri grupus, cordinaus de unu visiting professor, fattus de unu màssimu de 10 artistas nazionalis e internazionalis e ddi si bollint donai aposentus e materialis po su tempus de unu mesi". Tra is grupus de is 10 artistas protagonistas in dognia domu, una "cadira" at essi sempiri po un'artista sadru "chi si siat fattu connosci po is próprius capassidadis in su caminu artísticu de cussu 'e totu e chi tengat disígius de tipu professionali".
Funt giai obertas is iscrizionis on line a su programma "Le Ville Matte- Musica", chi s'at a tenni in Teulada.
S'eventu est promòviu de sa Provìnzia de Casteddu e de is comunus de Biddesorris e de Arròli.

Po ndi sciri de prus: www.levillematte.it