Mostras: sa vida de dognia diri in is township ammostadas in is 40 fotografias de Lindeka Qampi

(IlMinuto) – Casteddu, 9 de su mes''e arbili - Khtletisla est una bidonville de unu millioni e 200milla abbitantis, in su territoriu de "Città del Capo", in Sudafrica.
Sa fotografa Lindeka Qampi, chi bivit in sa township, nd'at immortalizau is línias prus importantis in "Daily life": 40 fotografias chi ant essi aparadas de cras a su 26 de su mes''e arbili in is aposentus de sa Galleria "S'Umbra - Progetti fotografici", in Casteddu.
Sa castiada de Qampi - si ligit in d'una nota  - est "meda atesu de sa bisioni lastimosa e stacada spaciada de custu arranconi de mundu".
"A pustis de su diploma - acrarat sa fotografa - po tutu sa vida apu bendiu bistiris, própriu comenti fadiat mamma mia. Apu cumenzau a fai fotografias in su mes''e arbili de su 2006. No sciendi de cali parti cumenzai apu principiau fotografendi sa família mia (...). De insaras su progetu miu est sa vida de dognia diri, est a nai comenti bivit sa genti".
Is fotografias de Lindeka Qampi ant essi bendidas a unu préziu abbastànzia bàsciu, po agiudadi sa connoscénzia. Sa Galleria no at a pigai dinai de is bendidas.