"Play>Risk/Introspezione": mostra de Biselli e De Sando in su "Quartissimo"

(IlMinuto) – Casteddu, 21 de su mes''e arbili - Dópiu apuntamentu cun s'arti in su "Quartissimo". De sàbudu chi benit finzas a su 7 de su mes''e maju in su centru de Cuartu Sant'Alèni (via Verga 10), s'at a podi bisitai sa mostra de Angela De Sando (bincidora de su prémiu Aversano & Giordano) e de Simone Biselli (prémiu Quartissimo 2009) chi tenit comenti títulu "Play>Risk/Introspezione". Cun "Play>Risk" De Sando esponnit "una filera infinia de fotogrammas chi torrant a costruiri apenas su riflessu de una realidadi chi in custu momentu est atesu de sa vida nostra".
"Introspezione 2010" de Biselli est in veci definia de Andrea Gennaro Aversano, curadori de sa mostra, comenti "su risurtau de s'anàlisi de su mundu sentimentosu chi agatat is próprius ùltimas arrexonis in d'unu caminu de natura surrealista".