Regioni: a is Comunus 30 millionis po cumbàtiri sa poberesa

(IlMinuto) – Casteddu, 8 de su mes''e arbili - Sa Giunta regionali at donau 30 millionis de eurus po "Azionis po cumbàtiri sa poberesa". Sa summa at essi impitada - si ligit in d'una nota uficiali - po donai agiudus economicus a is personas e a is famílias de "segura poberesa", de contribbutus po abbàtiri is costus de is serbízius necessàrius (gas, luxi, àcua) e de su finanziamentu no prus mannu de 800 eurus mesilis po podi fai funzionai is serbízius útilis a sa comunidadi.
Is 30 millionis ant essi sparzius tra is Comunus in custu modu: su 35 po centu de sa summa at essi dividiu in partis ugualis tra totus is 377 amministrazionis comunalis de sa Sardigna, un'ateru 35 po centu at essi dividiu po nùmeru de residentis e su 30 chi abarrat in proporzioni a su nùmeru de is disimperaus a su 31 de su mes''e paschixèdda de su 2008.