"Sa fantasia bolat prus in artu de su presoni": presentau su liburu de contus de is presoneris de Bad'e Carros

(IlMinuto) – Casteddu, 2 de su mes''e arbili - "Liberi Libri Farfalla": est custu su títulu de is contus scritus de is presoneris chi s'agatant in controllu de arta seguresa in su presoni de Bad' e Carros pubblicaus in edizionis cun sa crobeca fatta a manu e nàscius de una bidea de su cundennau a vida Alessandro Bozzi.
Sa cosa esti stetia presentada ariseru in Nùgoro in sa libbraria "Novecento". Ant pigau parti a s'atóbiu su síndigu de Nùgoro, Mario Zidda, su magistrau, Adriana Carta, su fianzeri de is presoneris, Carlo Murgia, sa cordinadora de su progetu, Pasquina Ledda, e Maria Grazia Caligaris, presidenti de s'associazioni "Socialismo Diritti e Riforme".
"Nonostanti is cundizionis difícilis de s'istrutura chi aghillit genti meda, e nonostanti si tengant mezus pagu bellus po mori de su dinai liau a is Centrus permanentis de su territoriu - at precisau s'esponenti socialista - sa creatividadi de is presoneris de Bad’e Carros ancora una borta est arrenescia a bolai donendi arrisurtaus meda bellus. Manescit de un'arreconnoscimentu de parti de is istituzionis e de un'apógiu poita si pozat afirmai a livellu nazionali comenti unu modellu positivu de torrai a fai".
"Sa calidadi de su traballu - at nau Caligaris - s'est guadangiada puru s'atenzioni de is editoris sadrus e de cussus nazionalis, tocat a nai ca su contribbutu insoru iat a podi arrichiri meda de prus is liburus".