S'oberrit su sipàriu in su "Piccolo Teatro" de Serramanna

(IlMinuto) – Casteddu, 8 de su mes''e arbili - Is notas e is fueddus de De Andrè, su teatru de Brecht, sa música improvisada de is Musica ex Machina: at essi s'ammisturu de custus elementus a principiai su programma de su "Piccolo Teatro" de Serramanna. S'istrutura - donada de s'amministrazioni comunali a sa gestioni de sa cumpangia Sine Nomine Theatrum - at a cumenzai sa própriu atividadi custu fin''e cida. Sàbudu a is 21.00 at a andai in iscena "La cattiva strada", ispetàculu - scritu e dirigiu de Maurizio Tancredi - aundi "Fabrizio De Andrè e is canzonis suas, cussas prus bellas faint de curnisa musicali a su contu de sa vida e de is esperiénzias de s'inzénneru perdiu de is annus '70".
Domìnigu 11 de su mes''e arbili, a is 16.30, is lampionis s'ant a allui po "Il cerchio di gesso", ispetàculu cun burratinus e puetas ispirau a unu classicu de su Teatru de Bertold Brecht. A is 21.00 at a serrai sa serada su concertu de is Musica ex Machina: Francesco Bachis (trumba), Guido Corraddu (pianu forti), Mauro Sanna (bassu eletricu) e Simone Sedda (bateria). "S'ispetàculu - est nau in d'una nota - est fattu asuba de unu programma originali, rigorosamenti cun istrumentus e senz''e unu copioni".