In su "Nautic Show Sardinia" cumenzat po sa primu borta su "Trofeo Bolentino" de pisca

(IlMinuto) – Casteddu, 6 de su mes''e arbili - Su "Nautic Show Sardinia" s'annovat. S'undixesima edizioni de sa manifestazioni dedicada a sa nautica - in programma de s'11 a su 18 de su mes''e arbili in is mollus de su portu de Casteddu - at a aghilliri puru su "Trofeo Bolentino", novidadi dedicada a is amantis de sa pisca cun sa canna, pisca chi si depi tenni asuba de is barcas. "Dognia barca - si podit ligiri in d'una nota fatta connosci de is aprontadoris - at essi formada de duus piscadoris cun sa possibbilidadi de podi tenni scéti una canna po dogniunu. At essi permitiu de piscai scéti cun bromígius naturalis".