Tàtari: sit in in Palazzu "Ducale" de sa genti chi ocupat s'ex asilu de via Bottego

(IlMinuto) – Casteddu, 29 de su mes''e arbili - Sighit sa lota po su diritu a sa domu de is residentis in s'ex asilu de via Bottego, in Tàtari. Ariseru a manginu, is famílias chi ocupant s'istrutura ant donau vida a unu sit-in a fac''e su Palazu "Ducale".
Is residentis in s'ex asilu - si ligit in d'una nota - "funt apuridus po mori de is promissas chi no funti stetias mantennias de s'amministrazioni de Gianfranco Ganau".
Is ocupantis, primu de donai vida a su sit-in in is scabas de su Palazu "Ducale" ant atobiau s'assessori comunali de s'"Ambiente" chi - acrarant - "at promitiu un'interventu po disinfestai su logu de is topis a cumenzai de cida chi benit".
"Eus cicau unu diàlogu cun su síndigu ma esti stetiu innútili", precisat Pietro Serra, dirigenti de s'associazioni religiosa Gioventù cristiana chi de su mes''e marzu est tratendi sa chistioni. "Ganau - sighit Serra - mi depit acrarai comenti mai m'at azapuau s'enna in faci boghendumì de su Comunu, narendi ca is famílias de via Bottego no tenint abbisóngiu de acumpamgiadoris".