Traballu. Sindacaus: "Manca abbisit debressi un'atóbiu"

(IlMinuto) – Casteddu, 6 de su mes''e arbili - Abbisai un'atóbiu nou po chistionai de is políticas de su traballu in Sardigna. Est cantu pedint is sindacaus confederalis a s'assessori regionali de su "Lavoro", Franco Manca. "A pustis de s'aprou in Giunta de sa delíbbera fatta po is políticas de su traballu contra a sa crisi chi donat a is Csl de totu is provìnzias un'incàrrigu importanti in sa cumparzidura de is serbízius - scrint is sindacaus - est necessàriu definiri su primu possíbbili is tempus e is métodus chi si depint aplicai po aprontai su provedimentu".