Una memória digitali po Tàtari

(IlMinuto) – Casteddu, 20 de su mes''e arbili - "Strumenti, metodi e tecnologie della digitalizzazione e della valorizzazione dei patrimoni documentari". At essi su tema de su workshop chi s'at a tenni gióbia a mangianu, a cumenzai de is 10.00, in sa sedi de s'Archíviu Isoricu Comunali de Tàtari, in via de s'Insinuazione.
S'eventu est aprontau de tres aziendas leader in matéria, cun s'agiudu de s'amministrazioni comunali.
"S'impiegu de istrumentus tennologicamenti ainnantis - si ligit in d'una nota - est a sa basi de s'organizazioni noa de s'Archíviu Isoricu Comunali de Tàtari a pustis de su séculu de scarescimentu chi est arribbau a pustis de sa morti de Enrico Costa". Digitalizai bollit nai acastiai sa memória "uficiali" de sa citadi.
Is espertus ant a ammostai is soluzionis prus noas impiegadas po s'archiviazioni digitali de is benis culturalis e de is documentus antigus. Ant essi puru presentadas is tennologias pigadas po sa sedi noa de s'Archíviu Isoricu de Tàtari.