"Un'istraordinària política". M.G.Caligaris arregordat Giovanna Cerina a un'annu de sa morti
(IlMinuto) – Casteddu, 20 de su mes''e arbili - Est giai passau un'annu de sa morti de Giovanna Cerina. Classi 1932, maista de "Semiotica del testo" in s'Universidadi de Casteddu, curadora de s'edizioni de is novellas de Grazia Deledda pubblicada de sa Illisso, consilleri regionali in sa XIII legisladura, Cerina at lassau unu sinnu importanti in sa cultura sadra.
Maria Grazia Caligaris, presidenti de s'associazioni "Socialismo Diritti e Riforme", dd'arregordat cun duus fueddus scritus, chi tentint comenti títulu "Giovanna Cerina un'indimenticabile politica", nos nd'arrelataus calincunu passu.
"Funt passaus doxi mesis - scririt s'ex consillera de su 'Partito Socialista' - de candu Giovanna Cerina, citia citia, in punta de peis s'at lassau. No sciu poita ma dognia tantu mi benit in menti e no pozu vitai de pensai ca esti stetia presenti in s'esperiénzia mia de giornalista, de maista e de consillera regionali.
Un'amigànzia fatta de medas cosas cussa cun Giovanna Cerina, una sennora distinta, assetiosa, inteligenti e chi teniat meda determinu, una fémina incantadora e curiosa, de cultura manna e popolari, una fémina chi at donau unu contribbutu mannu a is pàginas de sa crítica leteraria italiana, in calidadi de istudiosa atenta e fini, in is annalis de su Consillu regionali de sa Sardigna po primu cosa po sa lei po su cínema e po sa incansàbbili difesa de s'iscola pubblica statali, e no scéti de custa".
"Su caràtiri de Giovanna e su valori - ammentat Caligaris - funti stetius ammostaus po is acórdius de su centrusinistra candu si chistionàt de sa candidadura a Presidenti de sa Regioni de Renato Soru (...). No pozu scaresci su momentu aundi in su Teatru Alfieri sa listixedda de seti féminas de s'alleànzia “Sardegna Insieme” esti stetia presentada a s'opinioni pubblica. Dogniuna at tentu su fueddu po si presentai. Su turnu suu furiat sighisighi de su miu. Endi declarau de fai parti de su Partidu Socialista, cussu chi insaras furiat su candidau Presidenti s'est acostau a Giovanna e dd'at imbitada a no declarai su própriu apróviu políticu.
'Bidei beni ca no apu ancora cumenzau a chistionai e mi funt giai curregendi!', iat nau suchitendi s'errisu de is prus (...)".
Maria Grazia Caligaris, presidenti de s'associazioni "Socialismo Diritti e Riforme", dd'arregordat cun duus fueddus scritus, chi tentint comenti títulu "Giovanna Cerina un'indimenticabile politica", nos nd'arrelataus calincunu passu.
"Funt passaus doxi mesis - scririt s'ex consillera de su 'Partito Socialista' - de candu Giovanna Cerina, citia citia, in punta de peis s'at lassau. No sciu poita ma dognia tantu mi benit in menti e no pozu vitai de pensai ca esti stetia presenti in s'esperiénzia mia de giornalista, de maista e de consillera regionali.
Un'amigànzia fatta de medas cosas cussa cun Giovanna Cerina, una sennora distinta, assetiosa, inteligenti e chi teniat meda determinu, una fémina incantadora e curiosa, de cultura manna e popolari, una fémina chi at donau unu contribbutu mannu a is pàginas de sa crítica leteraria italiana, in calidadi de istudiosa atenta e fini, in is annalis de su Consillu regionali de sa Sardigna po primu cosa po sa lei po su cínema e po sa incansàbbili difesa de s'iscola pubblica statali, e no scéti de custa".
"Su caràtiri de Giovanna e su valori - ammentat Caligaris - funti stetius ammostaus po is acórdius de su centrusinistra candu si chistionàt de sa candidadura a Presidenti de sa Regioni de Renato Soru (...). No pozu scaresci su momentu aundi in su Teatru Alfieri sa listixedda de seti féminas de s'alleànzia “Sardegna Insieme” esti stetia presentada a s'opinioni pubblica. Dogniuna at tentu su fueddu po si presentai. Su turnu suu furiat sighisighi de su miu. Endi declarau de fai parti de su Partidu Socialista, cussu chi insaras furiat su candidau Presidenti s'est acostau a Giovanna e dd'at imbitada a no declarai su própriu apróviu políticu.
'Bidei beni ca no apu ancora cumenzau a chistionai e mi funt giai curregendi!', iat nau suchitendi s'errisu de is prus (...)".
© RIPRODUZIONE RISERVATA