Vinyls: unu primu de su mes''e maju de lota e festa in S'Asinàra. Sa multinazionali Ramco depositat s'oferta de còmpora

(IlMinuto) – Casteddu, 27 de su mes''e arbili - S'oferta de còmpora est arribbada segundu is tempus previdius de su bandu assentau in sa mesa de is commussarius de sa Vinyls, ma su futuru de s'istabbilimentu de Pòrtu Turre no est ancora garentiu.
Po cumenzai cun s'operazioni Vinyls sa multinazionali de su Qatar abetat difatis s'ok de s'Eni a su coberamentu de totu su ciclu de su cloru/pvc, cun d'unu investimentu de 150 millionis de eurus.
Is traballantis de sa Vinyls funt in dognia modu decidius a sighiri s'ocupazioni de ex presoni de S'Asinàra e - cun s'agiudu de Legambiente - funt aprontendi in s'isola unu primu de su mes''e maju meda mannu (e sa festa at a sighiri puru domínigu 2 de su mes''e maju).
"Obbietivu de sa manifestazioni - si ligit in d'una nota - est un'alleànzia tra operàjus e ecologistas. Poita su benidori de s'industria no at podi essi 'ecocompatibile'".
Is operàjus e s'organizazioni ambientalista ant programmau duas diris de lota e de música, cun is concertus de is Istantales e de Enzo Favata.

Po ndi sciri de prus: http://www.legambientesardegna.com/