Alcoa: ddoi est s'acórdiu. 60 millionis de investimentus po Portovesmi

(IlMinuto) – Casteddu, 19 de su mes''e maju - Nesciuna "abbundhànzia" tra is traballantis. 60 millionis de investimentus po s'istabbilimentu de Portovesmi e 34 po cussu de Fusina in Venetu. Funt custus is assuntus de s'acórdiu tra s'Alcoa, is sindacaus e su Guvernu, acórdiu arribbau in sa noti tra lùnis e martis in sa sedi de su Ministeru de su "Sviluppo economico", in Roma. S'intesa at essi votada de is traballantis po sa ratífica definitiva in diris chi benint.
"S'acórdiu, chi previdit de torrai a aviai totus is cellas de fusioni e chi previdit  puru investimentus nous po torrai a fai bivi s'istabbilimentu de Portovesmi e chi bidit puru sa totali ocupazioni de is 600 traballantis - at cummentau sa parlamentari de su Pd Amalia Schirru - rapresentat una bella nova po sa terra nostra".
"Abetaus isperanzosus - concluit s'esponenti democratica - puru su pareri de sa Commissioni Ue po no biri comenti agiudus de Stadu is mesuras de su 'decretu' energia".