Apuntamentus: in Monti Minerva sa II edizioni de is "Weekend delle rose"

(IlMinuto) – Casteddu, 14 de su mes''e maju - Su rosetu antigu de Monti Minerva, in su comunu de Biddanòa, oberrit is ennas a su púbblicu. Po su sengund'annu de fil''e pari - a cumenzai de cras - at essi possíbbili ammirai is milla arrazas de custu frori, de is arrosas medievalis betias de chini furiat andau a fai is crociadas in Médiu Orienti a cussas prus modernas de su Setixentus e de s'Otuxentus.
"Collocau aintru de s'antiga Possidénzia Minerva - si ligit in d'una nota - su rosetu testificat sa sighidura de sa presénzia umana in is logus, trasmitendi su sensu de su 'bellu' in cuncórdiu cun is caboris e cun is formas e in scontróriu cun su boscu chi est ingíriu ingíriu".
Sa segunda edizioni de is "Weekend delle rose" - chi at essi oberta cras a is 16.00 - est aprontada de su Centru "Iniziative di Comunicazione e Cultura Ambientale Ludico-Educative" cun s'agiudu de s'amministrazioni comunali. In su fin''e cida de su 22 e de su 23 de su mes''e maju at essi puru possíbbili participai a su cursu de fotografia naturalistica de Bruno Manunza.