Artes e Sonos: cumenzat su festival dedicau a is band noas

(IlMinuto) - Casteddu, 25 de su mes''e maju - Est arribbau a sa XV edizioni su "Meeting Artes e Sonos": su festival-cuncursu de música "etnica e rock" chi puru ocannu at a portai in Marmidda is mellus grupus chi funt nascendi in su campu musicali. Sa manifestazioni s'at a tenni su 17 e 18 de su mes''e austu in Arruìnas.
"A su cuncursu - si ligit in d'una nota - podint participai cantautoris, musizistas, grupus musicalis o vocalis, de calisiollat tipu, chi no tengant unu cuntratu discogràficu". 
Is primus ses classificaus ant a tenni su diritu de participai cun duus branus a una compilation registrada in su cursu de su meeting, una compilation chi at essi prodúsia de su "Centro di Produzione Culturale" de sa "Marmilla Move The Box" cun sa guida ténnicu-artística de "Artes e Sonos". Dógnia band finalista at a arriciri 200 cópias de s'arregota.
Is iscrizionis a "Artes e Sonos" ant essi obertas finzas a su 25 de su mes''e làmpadas.

Po ndi sciri de prus:  www.artesetsonos.it