Atóbiu: s'Universidadi de Casteddu arregodat Dessì a pustis de 100 annus de sa nàscida

(IlMinuto) - Casteddu, 24 de su mes''e maju - S'Universidadi de Casteddu arregodat Dessì a pustis de unu séculu de sa nàscida. Gióbia e cenàbara chi benint in sa Facultadi de Lettere de Casteddu s'at a tenni un'atóbiu dedicau a s'òpera de s'autori de "Paese d'ombre".
Sa duas diris at a cumenzai cun d'un'atóbiu chi at a tenni po tema "Vocazione novecentesca alla narrativa breve" (9.00, Àula Motzo). S'atóbiu at essi coronau de Gianluca Medas chi, cun sa música de Andrea Congia, at a interpretai calencunu arrogu de "Il disertore".
S'atóbiu est aprontau de s'associazioni culturali "Portales", de sa Fondazioni Dessì e de sa "Società Umanitaria-Cineteca Sarda", cun s'agiudu de su "Comitato Nazionale per le Celebrazioni del centenario della nascità di Dessì", e s'amparu de su "Ministero per i Beni e le Attività Culturali", de s'Assessorau de is "Affari Generali" de sa Regioni Sardigna, de sa Provìnzia de su Campidanu de Mesu e de su Comunu de  Biddexidru. Tra is àterus, ant a participai a s'atóbiu de Dessì Anna Dolfi, Giovanna Caltagirone, Andrea Cannas, Ignazio Siddi, Duilio Caocci e Maurizio Virdis.