Concertus: is Visions Quintet de Manca in "Forma e poesia nel jazz 2010"

(IlMinuto) – Casteddu, 10 de su mes''e maju - Francesco Lento a sa trumba, Massimo Carboni in su sax, Mariano Tedde in su pianu acùsticu e elétricu e Alessandro "Cinzio" Atzori in su contrabbassu: funt custus is musicistas chi afiancant su baterista Gianrico Manca in su progetu Visions Quintet. Su grupu at essi protagonista de su festival casteddaiu "Forma e poesia nel jazz 2010" chi s'at a tenni su 28 de su maju (Ridotto de su Teatru Massimo, 21.00).
"Visions Quintet - scririt Manca - est unu progetu chi mi giràt in conca de su 2008. Apu sèmpiri disigiau de sonai cun d'unu cuíntetu cun trumba e sassofonu comenti front line e apu sceberau de tenni acanta 'e mimmi is jazzistas sadrus chi amu de prus".
Su Visions Quintet at a presentai unu repertóriu musicali scritu e arrangiau de Gianrico Manca cun s'agiudu de su pianista e organista Luca Mannutza.