Diri internazionali de sa bicicreta: domínigu in Casteddu s'invasioni de Critical mass

(IlMinuto) - Casteddu, 6 de su mes''e maju - "Un'atóbiu de bicicretas chi, cun sa forza de is númerus ("massa"), ndi contoniant in is istradas chi dognia diri funt usadas de is màchinas". Aici s'enzicropedia líbbera Wikipedia definit su fenómenu de Critical mass: is curridoris sadrus ant a provai a fai "massa critica" domínigu 9 de su mes''e maju in ocasioni de sa "Giornata internazionale della bicicletta".
S'atóbiu, chi at a partiri a is 15.00 de sa Stazioni Fds de prazza Repubblica, est obertu - aclarant is aprontadoris - a "genti cun is patinus, skaters e genti cun calisiat mezu a tira tira, umanu o animali".