Festivalguer: de su 6 de su mes''e làmpadas in S'Alighera un'apuntamentu cun is númerus unu de sa música italiana

(IlMinuto) - Casteddu, 31 de su mes''e maju - Elisa, Dalla e De Gregori, Elio e le Storie Tese, Carmen Consoli e Cristiano De Andrè. Funt scéti calincunu de is nòminis prus importantis de su Festivalguer 2010, sa rassigna de música in programma de su 6 de su mes''e cabudanni in S'Alighera.
Su progetu, promòviu de s'amministrazioni de sa citadi e aprontau de "Sardegna Entertainment", at a aportai in su palcu de su Teatru Maria Pia calincunu de is númerus unu de sa música italiana.
Su Festivalguer si cunfirmat comenti unu de is puntus de forza de s'istadi in sa citadi catalana: "logu de turismu culturali e musicali po dexinas de migliaja de stimadoris - acalarat s'ufíciu de imprenta - chi in is úrtimus ot'annus ant superau is 240milla aspetadoris chi pagant, cun d'una média annuali de circa 30milla billettus bèndius".
Su Festival at essi serrau su 25 de su mes''e cabudanni de Elio e le Storie Tese cun "Bellimbusti balneari tour 2010".

Castia su programma: www.festivalguer.com