Flc Cgil: ocupazioni de s'Ufíciu iscolasticu regionali po nai no a is tàglius de sa riforma Gelmini

(IlMinuto) - Casteddu, 24 de su mes''e maju - Puru sa Flc Cgil torrat in campu contra a sa riforma Gelmini. Su sindacau at fattu sciri ca su 3 e 4 de su mes''e làmpadas ddoi at essi s'ocupazioni de s'Ufíciu iscolasticu regionali contra a is tàglius de su personali e contra a cussus a is risorsas de is iscolas".
A pagus diris de s'ocupazioni de is traballantis de s'Iscola guidada de sa Cgil at a sighiri s'isciòpiru de is scrutinius de s'11 e 12 de su mes''e làmpadas, annunziau de is Cobas (a cust'isciòpiru at a addiriri su "Coordinamento precari Oristano").
Cun s'ocupazioni de is ufícius iscolasticus sa Cgil pedit "de fai diventai seguras is iscolas, ponendi a norma is 1617 iscolas sadras e de annullai is tàglius a su personali de s'iscola sadra, chi addannant a s'imparu e a su traballu: ocannu 1707 maistus e Ata de mancu".