Iscalepranu ammentat Max L. Wagner "maistu de sa grammàtica sadra"

(IlMinuto) – Casteddu, 13 de su mes''e maju - Ammentai is cincu diris de bacànzia - de su 15 a su 19 de su mes''e maju de su 1927 - in Iscalepranu passadas de s'istudiosu tedescu Max Leopold Wagner, cunsiderau ancora oi tra is prus mannus intendidoris de sa língua e de sa cultura sadra.
Est custu su propósitu de s'atóbiu chi s'at a tenni domínigu chi benit a is 17.00 in sa saba Consiliari de su comunu in provìnzia de Casteddu.
Po s'apuntamentu at a fueddai puru Giovanni Masala, maistu de língua e civiltadi sadra in is universidadis de Stoccarda e de Zurigu. Masala at a presentai su líbburu - curau de cuss''e totu - "Sa Sardìnnia de Max Leopold Wagner (1925-1927)".
S'istudiosu tedescu - si ligit in d'una nota - "lassat in eredadi prus de 450 scritus, de custus prus de sa metadi funt dedicaus a sa língua e a sa cultura sadra, est po custu chi Wagner cun arraxoni podit essi cunsiderau comenti 'su beru maistu de sa grammàtica sadra' (Heinz Kröll)".