Língua sadra: 1,6 millionis de eurus po su pranu annuali de sa Regioni

(IlMinuto) – Casteddu, 21 de su mes''e maju - Podit cumenzai su pranu annuali po sa promozioni e s'avaloramentu de sa língua sadra. Sa Giunta regionali at difatis donau - cun d'una delíbbera aprovada in is diris passadas - 1,6 millionis de eurus po sa pubblicazioni in su portali istituzionali de sa Regioni de traduzionis de s'italianu (e de àteras línguas europeas) a su sadru, de líbburus importantis chi siant stetius pubblicaus e chi tengant importànzia internazionali e de òperas de imparu in língua sadra. 600milla eurus ant essi usaus po agiudai s'avaloramentu de su sadru in s'iscola e in is ateneus de Casteddu e de Tàtari.
At essi puru finanziau su "Censimentu de su repertóriu linguisticu de is sadrus".