S'arti de Grinblatt, Charquero e Ochoa in mostra in su Lirico
(IlMinuto) – Casteddu, 21 de su mes''e maju - Sighit sa mobilitazioni contra a sa riforma "Bondi". Custu merì, in cumbinada cun s'obertura in su foyer de sa mostra "Spazi (dis)abitati", is traballantis de su Teatru Lirico de Casteddu ant a protestai e s'ant a ponni asuba una maglieta niedda cun sa fac''e Maria Carta e sa scrita "l'arte non si taglia" (una cosa símili s'est tenta puru ariseru).
S'aparada est unu cumpéndiu dedicau a is artistas sudamericanus atualis. De custumerì finzas a su 21 de su me''e argiolas sa genti at a podi ammirai is òperas de Julio Grinblatt (Argentina, 1960), Daniel Charquero (Uruguay, 1963) e Tomás Ochoa (Ecuador, 1965).
"A is ogus de su púbblicu - si ligit in d'una nota de imprenta - ant a aparèssiri seti "dibujos" (disignus) de Charquero, cuatru ténnicas míscias de Ochoa e 45 fotografias de Julio Grinblatt, totus òperas chi narant meda de is diversas e importantis stagionis de s'arti sudamericana e de is impunnadas de cussa 'e totu".
S'aparada est unu cumpéndiu dedicau a is artistas sudamericanus atualis. De custumerì finzas a su 21 de su me''e argiolas sa genti at a podi ammirai is òperas de Julio Grinblatt (Argentina, 1960), Daniel Charquero (Uruguay, 1963) e Tomás Ochoa (Ecuador, 1965).
"A is ogus de su púbblicu - si ligit in d'una nota de imprenta - ant a aparèssiri seti "dibujos" (disignus) de Charquero, cuatru ténnicas míscias de Ochoa e 45 fotografias de Julio Grinblatt, totus òperas chi narant meda de is diversas e importantis stagionis de s'arti sudamericana e de is impunnadas de cussa 'e totu".
© RIPRODUZIONE RISERVATA