S'ecofísicu Luigi Sertorio in Casteddu po svelai sa "faba nucleari"

(IlMinuto) – Casteddu, 14 de su mes''e maju - In atóngiu is citadinus sadrus ant essi lamaus a arrespundi a sa pregunta de su referendum promòviu de Sardigna Natzione: "Ses contràriu a ponni centralis nuclearis e depósitus de ferrinas radioativas in Sardigna?". In su trastempus sighit s'atividadi de is movimentus chi lotant contra a sa torrada de s'àtomu. "Per il bene comune" at aprontau po su 21 de su mes''e maju in Casteddu (18.00, Pasada de sa Gioventudi de praza San Sepolcro) unu dibbatidu chi tenit comenti tema "Futuro sì. Nucleare no". At essi presenti puru Luigi Sertorio, maistu de "Ecofisica" in s'Universidadi de Torinu e autori impari a Giulietto Chiesa e Guido Cosenza, de su líbburu "La menzogna del nucleare".
"Po fueddai de nucleari - si ligit in su líbburu - tocat a sciri ita siat sa física e est necessàriu connosci is principius scientíficus basi de sa matéria.
Senz''e custus totu su discursu púbblicu, comenti ddu connosceus, allupat in sa ciaciarra. No est s'únicu esémpiu ma est diaderus un'esémpiu chi scopiat.
Custu líbburu esti stetiu scritu puru po agiudai su púbblicu chi no tenit is connoscénzias de basi a cumprendi sa matéria, est a nai ca at essi agiudau de modu de no essi manigiau a conca".

Su líbburu podit essi pigau in su shop online "Ibs-IlMinuto" in s'indirizu: http://www.ibs.it/hmepge.asp?shop=4971