Vinyls. S'Eni nci bogat s'operàju Tino Tellini (ma a pustis torrat agoa)

(IlMinuto) – Casteddu, 26 de su mes''e maju - "Su presidenti Napolitano at arrespustu a sa lítera de is operàjus. Ma su presidenti de su Consillu aundi est? E su presidenti de sa Regioni?". Est cantu dimandant is traballantis de sa Vinyls in su blog "Isola dei cassintergati". Is traballantis no s'acatant scéti de su sparessimentu de s'acuntéssia Vinyls de s'agenda política, ma denunciant puru s'abbandonu de s'Eni, arribbau finzas a su puntu de nci bogai unu de is cassintegraus, Tino Tellini, chi bolliat chistionai cun su dirigenti Polimeri Europa (grupu Eni) Alberto Alberti, ariseru in bisita in Pòrtu Turre.
"Custu su diàlogu - si podit ligi in su post pubblicau custu mangianu - e comenti s'arrespudit a is dimandas legítimas de un'operàju chi pedit comenti mai si bollat serrai sa chímica in Italia (Pòrtu Turre, Portu Marghera e Ravenna) perdendi 15milla postus de traballu, in d'unu mercau de su Pvc chi no est po nudda in crisi, no trascurendi ca s'Italia est unu de is prus mannus comparadoris de su materiali".
A pustis, "pensendi - osservat s'artículu - a s'errori fattu (Ita bolliat cuss'operàju de nos? Chistionai? Ma s'est ammachiau?)" s'ufíciu de imprenta de s'Eni, at avisau a collóchiu Tino Tellini.
"Mih - precisat su post - sa chistioni chi ariseru s'ufíciu de imprenta at depiu istrobillai: comenti fai cumprèndiri a is dirigentis Eni ca podit essi dannosu a nci bogai un'operàju?".

Ligi totu: http://www.isoladeicassintegrati.com/?p=2400