Ambienti. Gig: "De s'Europa cundenna po s'afari ediliziu de Is Arenas"

(IlMinuto) – Casteddu, 15 de su mes''e làmpadas - S'Europa bullat s'afari ediliziu de is Arenas. Sa Corti de Giustizia de s'Unioni europea at difatis cundennau - su recursu de sa Commissioni europea - s'Italia po "cumprimentu de su progetu turisticu-ediliziu de su "gruppo immobiliare Is Arenas" in is dunas a boscu de Is Arenas", senz''e unu giustu avaloramentu ambientali".
Ddu comunicant cun d'una nota is assózius ambientalistas "Gruppo di intervento giuridico" e "Amici della Terra", chi iant signalau sa chistioni a sa Commissioni europea cun d'unu recursu.
"Po medas annus - si podit ligi in su blog de su Gig - chini furiat contràriu a cust'afari ediliziu in craru menisprésiu de is nomativas de tutela ambientali in modu puliu e cristallinu esti stetiu fattu ogetu de incracadas, aggràbius, de causas legalis senz''e fundamentu, de amelezus, in d'unu clima de assétiu mabigrabbau. Ma ddoi est unu giugi, in Lussemburgu".