Ambienti. Gig e Amici della Terra: "Tra pagu tempus sa senténzia de sa Corti europea po s'afari ediliziu in Is Arenas"

(IlMinuto) – Casteddu, 9 de su mes''e làmpadas - "Sa Corti de Giustízia europea tra pagu tempus at a decidiri asuba de s'afari ediliziu de Is Arenas". Est cantu afirmant in d'una nota su "Gruppo d'intervento giuridico" e is "Amici della Terra".
Est duncas arribbau casi a sa fini - acrarant is assózius ambientalistas - "su prozedimentu promòviu de sa Commissioni europea contra a s'Italia po su (...) cumprimentu de su progetu turisticu-ediliziu, de parti de su grupu "immobiliare Is Arenas", unu progetu chi nascit asuba de is dunas senz''e tenni s'aprou de unu giustu avaloramentu ambientali.
"Ma immoi - si podit ligi in su blog de su Gig - su dannu a s'ambienti esti stetiu fattu. Is istruturas po arriciri genti funti stetias obertas, aici puru comenti su campu de golf, e is villas funt in bendida".
Po custu is "Amici della Terra" e su "Gruppo d’Intervento Giuridico" - precisat sa nota - "s'augurant sa cundenna de s'Italia e (...) e de sa Regioni Autonoma de sa Sardigna po sa violazioni de sa diretiva n. 92/43/CEE in matéria de salvaguàrdia de is habitat naturalis e casi-naturalis, sa fauna e sa flora".

Po ndi sciri de prus: http://gruppodinterventogiuridico.blog.tiscali.it/