Deliperi (Gig) in su "Manifesto sardo": Berlusconi "primu destinatàriu finali" de su pranu casa

(IlMinuto) – Casteddu, 3 de su mes''e làmpadas -  Silvio Berlusconi est su "primu destinatàriu finali" de su pranu po s'edilizia aprovau cun sa lei regionali 4 de su 2009.
Est cantu afirmat s'esponenti de su "Gruppo di Intervento Giuridico", Stefano Deliperi, in d'un'artículu pubblicau in s'ùrtimu nùmeru de su "Manifesto sardo".
"Villa Certosa, sa Villa sua - precisat difatis Deliperi - tenit bisóngiu de calincuna càmara in prus, parrit de una pariga de bungalows in su parcu meda mannu de sa villa, comenti iat pediu sa Idra Immobiliare s.p.a., sa sociedadi (...) chi tenit sa gestioni de residénzia smeraldina, residénzia de sa cali Berlusconi est su primu destinatàriu finali".
Finzas a immoi - narat s'ambientalista - "iant'essi scéti 22 is dimandas arribbadas a sa Commissioni regionali po su paesaggiu e sa calidadi architetonica, guidada de s'artista de is pedras Pinuccio Sciola, po gosai de su c.d. pranu po s'edilizia sadru intru sa fàscia costera de is 300 metrus de sa riba de su mari, sa prus disigiada. Comenti in is previsionis ecologistas: unu pranu po is abbisóngius de su pópulu".