"Festival letterario della Sardegna". In Gavoi apuntamentu cun Eugenio Scalfari, Mo Yan e Rocco Papaleo
(IlMinuto) - Casteddu, 25 de su mes''e làmpadas - Arribbat a sa VII edizioni su Festival leterariu de sa Sardigna. De su 2 a su 4 de su mes''e argiolas, Gavoi s'at a trasformai ancora una borta in su logu aundi "is istorias si bivint, s'intriciant e contant is cosas cun sa naturalesa chi caraterizat s'afezionau pópulu de ligidoris e viagiadoris". Comenti dógn'annu sa comunidadi de su centru de sa Barbàgia at a donai su própriu cuntribbutu aghillendi is "amigus" po sa manifestada, chi - si podit ligi in d'una nota - "bit tra is próprius prus mannus promotoris sa Regioni Autónoma de sa Sardigna, su Comunu de Gavoi, sa Provìnzia de Nùgoro e sa 'Fondazione Banco di Sardegna'".
S'obertura de su Festival - aprontau de s'Assóziu Culturali "L'Isola delle Storie" - est previdia po gióbia 1 de su mes''e argiolas cun su concertu de Rocco Papaleo e su Triu suu. At a sighiri una tres diris de kermesse leterarias, chi s'at a oberri cun is solitus apuntamentus de su mangianu "de su balconi" e at a biri tra is próprius óspitis Benedetta Tobagi, Nicola Lagioia, Giorgio Vasta e Laura Pugno. Si su mesudí at a tenni comenti protagonista Luigi Manconi, a su chizi de su merì dd'ant essi sèmpiri is reading, momentus abetaus e sèmpiri apressiaus de su púbblicu. Meri 'e domu assolutu de is apuntamentus de is 17.15 at essi Giacomo Papi, mentris Ernesto Franco, Eugenio Scalfari e Giovanni Floris ant a tenni su ciclu "Povera patria".
In sa VII edizioni de sa manifestada no at a mancai unu logu dedicau a is atóbius cun is iscritoris contemporaneus, tra custus arregordaus Mo Yan. Dógnia atóbiu at essi precediu de su ligimentu de passus e de poesias de Alda Merini, JD Salinger ed Edoardo Sanguineti, po fai onori a custus protagonistas de sa literadura
contemporanea.
Is butegas fattas de illustradoris e de scritoris chi benint de totu su mundu e su "Spazio cinema", curau de sa "Società Umanitaria", ant a fai diventai prus bellu su programma de eventus de su cumpartu de su Festival dedicau a is prus giòvanus.
S'obertura de su Festival - aprontau de s'Assóziu Culturali "L'Isola delle Storie" - est previdia po gióbia 1 de su mes''e argiolas cun su concertu de Rocco Papaleo e su Triu suu. At a sighiri una tres diris de kermesse leterarias, chi s'at a oberri cun is solitus apuntamentus de su mangianu "de su balconi" e at a biri tra is próprius óspitis Benedetta Tobagi, Nicola Lagioia, Giorgio Vasta e Laura Pugno. Si su mesudí at a tenni comenti protagonista Luigi Manconi, a su chizi de su merì dd'ant essi sèmpiri is reading, momentus abetaus e sèmpiri apressiaus de su púbblicu. Meri 'e domu assolutu de is apuntamentus de is 17.15 at essi Giacomo Papi, mentris Ernesto Franco, Eugenio Scalfari e Giovanni Floris ant a tenni su ciclu "Povera patria".
In sa VII edizioni de sa manifestada no at a mancai unu logu dedicau a is atóbius cun is iscritoris contemporaneus, tra custus arregordaus Mo Yan. Dógnia atóbiu at essi precediu de su ligimentu de passus e de poesias de Alda Merini, JD Salinger ed Edoardo Sanguineti, po fai onori a custus protagonistas de sa literadura
contemporanea.
Is butegas fattas de illustradoris e de scritoris chi benint de totu su mundu e su "Spazio cinema", curau de sa "Società Umanitaria", ant a fai diventai prus bellu su programma de eventus de su cumpartu de su Festival dedicau a is prus giòvanus.
© RIPRODUZIONE RISERVATA