Líbburus. Atóbiu cun Kilap Gueye. Su bincidori de su prémiu Alziator contat "La panchina"

(IlMinuto) – Casteddu, 11 de su mes''e làmpadas - "S'istoria de un'emigrau, unu de cussus chi agataus dógnia diri a s'abetai ins'intrada de is butegas, de is centrus de su cumérciu o in is parchegius o in is arenàrgius". Aici sa presentada pintat "La Panchina", su líbburu de Kilap Gueye bincidori de su prémiu Alziator.
Su líbburu - acrarat sa presentada - "est s'aventura de unu comenti tantis, partiu cun pagus cosas, ma cun su coru càrrigu de ispériu, determinau a fai biri a su mundu su balori suu, sa própriu cultura, sa própriu umanidadi". S'autori - emigrau de su Senegal a sa fin''e is istudius universitarius - at a prensentai su líbburu custu merì in su Círculu Culturali Cral de Casteddu (18.30). A pustis de sa presentada ddoi at essi unu dibbatidu moderau de Roberto Mura e Carlo Sulis.