Manuvra. Púbblicu impiegu in isciòpiru generali su 14 de su mes''e làmpadas. Usb e Cobas: "No seus su Bancomat de Tremonti"
(IlMinuto) – Casteddu, 11 de su mes''e làmpadas - 20 annus de sacrifizius podint bastai. Est cantu afirmant is sindacaus de basi Rdb Usb e Cobas, chi po nai no a sa manuvra de 25 milliardus de eurus bófius de su Guvernu Berlusconi ant bandiu una diri intrea de isciòpiru de su púbblicu impiegu po su 14 de su mes''e làmpadas.
Sa mobilitazioni at a durai po totu sa diri e in Casteddu est previdiu unu presídiu a fac''e is bancas e de sa sedi Rai, in viale Bonaria.
"Sa manuvra finanziaria - esti stetiu acrarau ariseru un d'una cuferénzia de imprenta bófia de is sindacaus de basi - est totu asuba de is pabas de chini in custus ùltimus 20 annus at agguantau is sacrifizius impostus de is diversus guvernus chi si funt passaus is crais: is traballantis dipendentis. Su scómputu benit agguantau po su prus de su púbblicu impiegu, impiegau de su Tremonti de turnu comenti unu beru e própriu Bancomat".
Tàglius chi cumenzant de su blocu de su rinnovu de is cuntratus (2010-2012) e de is pagas finzas a su 2013.
"Un'àtera manuvra est possíbbili", at nau ariseru Federico Carboni (Rdb-Usb). "S'at a podi cumenzai - at acrarau - de su tàgliu de is ispesas militaris. S'Italia spendit difatis 29 milliardus de eurus po pigai 131 cacciabombardieris F35, 121 Eurofighter e eleicoterus".
"Seus a fac''e sa barbaridadi - at precisau su sindacalista - sa crisi depit essi in veci pagada de chini dda fait, a partiri de is bancas e de is borsas".
Usb Rdb e Cobas puntant su didu puru asuba de is sindacaus confederalis. "Cgil, Cisl e Uil - at nau Enrico Rubiu (Usb Rdb) - funt responsàbbilis de sa crisi a livellu nazionali e regionali: pedint dinai po is impresas e no po is traballantis".
Sa mobilitazioni at a durai po totu sa diri e in Casteddu est previdiu unu presídiu a fac''e is bancas e de sa sedi Rai, in viale Bonaria.
"Sa manuvra finanziaria - esti stetiu acrarau ariseru un d'una cuferénzia de imprenta bófia de is sindacaus de basi - est totu asuba de is pabas de chini in custus ùltimus 20 annus at agguantau is sacrifizius impostus de is diversus guvernus chi si funt passaus is crais: is traballantis dipendentis. Su scómputu benit agguantau po su prus de su púbblicu impiegu, impiegau de su Tremonti de turnu comenti unu beru e própriu Bancomat".
Tàglius chi cumenzant de su blocu de su rinnovu de is cuntratus (2010-2012) e de is pagas finzas a su 2013.
"Un'àtera manuvra est possíbbili", at nau ariseru Federico Carboni (Rdb-Usb). "S'at a podi cumenzai - at acrarau - de su tàgliu de is ispesas militaris. S'Italia spendit difatis 29 milliardus de eurus po pigai 131 cacciabombardieris F35, 121 Eurofighter e eleicoterus".
"Seus a fac''e sa barbaridadi - at precisau su sindacalista - sa crisi depit essi in veci pagada de chini dda fait, a partiri de is bancas e de is borsas".
Usb Rdb e Cobas puntant su didu puru asuba de is sindacaus confederalis. "Cgil, Cisl e Uil - at nau Enrico Rubiu (Usb Rdb) - funt responsàbbilis de sa crisi a livellu nazionali e regionali: pedint dinai po is impresas e no po is traballantis".
© RIPRODUZIONE RISERVATA