"Nato: colpito e affondato". Lannes in Pauli po scoviai is segretus de sa strossa de su "Francesco Padre"

(IlMinuto) - Casteddu, 23 làmpadas - "Ita funt is vidas de cincu piscadoris de Molfetta a fac''e su màssimu beni de s'Alleànzia Atràntica de preservai in dógnia modu? Schéletrus a fund''e su mari. E ingunis abarrint po sémpiri". Aici Andrea Purgatori, su giornalista chi iat circau de truncai su "Muru de gomma" de Ustica, serrat sa presentada de "Nato: colpito e affondato", su líbburu de Gianni Lannes.
Un'inchiesta giornalistica fatta asuba de sa strossa - de su 4 de su mes''e totussantus de su 1994 - de s'echipàgiu de su piscagiolu "Francesco Padre" (cincu óminis e unu cani). Sa barca - acrarat Lannes - fut abbatia in s'Adriàticu, in àcuas internazionalis, de unu míssili imbolau de unu sommergibili Usa in d'un'operazioni Nato Sharp Guard.
Ma - scririt Purgatori - "contra a dógnia lógica e contra a dógnia evidénzia, s'inchiesta si concluit afibbiendi a cussus cincu piscadoris s'aggràbiu de sa morti insoru poita, is magistraus iant fattu s'ipótesi ca cussus furiant traspordendi bruvura. De cali logu, comenti, po chini, nesciunu dd'at a acrarai a is famílias".
Is arrisurtaus de s'inchiesta ant essi presentaus de Lannes 'e totu cras a merì in Pauli (Teatru Mo.Mo.Ti, 19.00) in d'un'atóbiu  aprontau de Blogosferatu, Alternativa, Is Mascareddas e MieleAmaro. At a introdúsiri is traballus su diretori de Megachip Pino Cabras.