"Pulascienze". Sa sciénzia in praza in Pula

(IlMinuto) - Casteddu, 22 de su mes''e làmpadas - "Pulascienze. La scienza in piazza". Est custu su títulu de sa cida dedicada a sa connoscénzia scientífica chi at a tenni comenti teatru Pula (praza "del Popolo", "Casa Frau", Museu "Patroni") e sa costruzioni 2 de su Parcu tennologicu. Finzas a su 27 de su mes''e làmpadas, dógnia a merì a is 18.00 is atividadis de Polaris ant a benni contadas a unu púbblicu de totus is edadis.
In programma cuferénzias de connoscénzia e dibbatidus aprontaus de is istudiosus de su Parcu, butegas didàticas curadas de "Città della Scienza" e una mostra colletiva d'arti chi tenit comenti títulu "PolArtist". No ant a mancai is momentus dedicaus a su teatru, cun s'ispetàculu "Iumm. Interfaccia uomo - macchina".